Hair Straightening Ke Bare Mein Puri Jankari

Straight, Shiny or Lehrate hue hairs sabhi ladkiyo ko pasand ate hai.Staright hairs ajj kal sabhi ladkiyo ki pehli pasand hai.Ajjkal sabhi actress hairs ko straight kara ker rakhti hai or sayad isi wajah se aajkal straight hairs ko sab pasand karte hai.Kyuki aap sabhi ko pta hai Tv Serials and Bollywood hamesa se trend set karta aya hai.

Or waise bhi frizzy or messy look kisi ko bhi pasand nhi hai or straightening karane ke bad ye chize control hoti hai or straight hairs ko manage karna bhi easy hota hai isliye bhi straight hairs sabko pasand ate hai.  

Or agar aap bhi straight hairs karane ki soch rahe hai to aap ke mann main bhi bahut sare questions hoge.

  • Hair straightening kya hoti hai or kitne type ki hoti hai?
  • Hair straightening ka process kya hai?
  • Hair Straightening se pehle kya kya dhyan rakhna chahiye?
  • Kya hair straightening ghar per ker sakte hai?
  • Hair straightening ke bad hair ki kaise care kare?

To ajj aapko in sabhi questions ke answers mil jayege isi post main.Bus aapko puri post padhni hai or aapko sab khuch pta chal jayega hair straightening ke bare main.

Hair Straightening Kya Hoti Hai Or Kitne Type Ki Hoti Hai :

Hairs ko straight karne wale process ko hair straightening kehte hai.Hair straightening 2 types ki hoti hai ek Temporary Hair Straightening or dusri Permanent Hair Straightening.

Temporary Hair Straightening :

Jab kabhi hume kisi party ya function main jate hai or hum ghar per ya beauty parlor ya salon main ja ker straightening machine (jise pressing machine bhi kehte hai) se jo straightening karate hai use temporary hair straightening kehte hai.Isme hair straight to ho jate hai per kewal khuch time ke liye.Agar sidhe sabdo main kahe to maximum ek din tak hi straight rehte hai or jaise hi aap wash karte ho hairs apni normal condition main wapas aa jate hai.Waise khuch professional hair holding sprays bhi ate hai jise aap straightening karne ke bad apne hairs per spray karte hai to aapki straightening ki durability thodi si badh jati hai.Or agar aap beauty parlor ya salon se straightening karate hai to unse is holding spray ke bare main jarur bat kare. 

Permanent Hair Straightening :

Permanent se matlab ye nhi hai ki puri life ke liye aapke hair straight rahege bus hota ye hai ki ye process karate waqt aapke jitne bhi hairs hoge wo jab tak cut nhi jayege straight rahege.Or aapke jo naye hairs ayege matlab new growth ayegi wo waisi hi ayegi jaise aapke hairs straightening karane se pehle they.

Cost Of Straightening :

Market main bahut sare process hai straightening ke jaise Rebonding,Smoothening,Shine Bond etc.Per hote sab straightening ke hi process hai sab main hair straight hote hai ye sab aapke hair ki condition and texture per bhi depend karta hai ki aapko kon sa process karana better rahega.Sabhi process ki cost alag alag hoti hai or agar hakikat main dekha jaye to cost location and salon per bhi depend karti hai or aapki hair length and volume per bhi depend karti hai.Normally 2000 Rs se straightening process start ho jate hai or 8000-10000 Rs tak bhi jate hai.Cost kai factors per depend karti hai jaise product kon si company ka hai achha brand hai ya koi sasta brand hai.Or agar aap bargain karege to thoda discount bhi mil jata hai.

Process Of Straightening :

Sabse pehle jha bhi aap straightening karane ja rhe hai wha ka hair expert aapke hair ki quality ko check karega or aapko suggest karega ki aap ke hair ke sath kon sa process achha rahega or aapko batayega ki aapke hair ki condition ke according kaisa result ayega.Or agar wo aapse result ke bare main bat nhi karta hai to aap khud hi unse puchhe ki according to my hairs kaisa result ayega.

Aap se consult karne ke bad aapka head wash kiya jayega or agar aap straightening karanae ja rahe hai to us din aap ghar per head wash avoid ker sakte hai because aapka wha ja ker bhi wash to hona hi hai.

Ye totally chemical based process hota hai isme  head wash ke bad 3 process hote hai jo main hai.Wash ke bad aapke hairs per straightening cream lagayi jati hai.Cream lagane ke bad hair expert aapke hair ko khuch samay ke bad  achhe se wash karta hai or puri cream aapke hairs se nikal deta hai.Cream aapke hairs main kitni der rakhni hai ye aapke hair per depend karta hai iska koi nishchit time nhi hota hai per jo bhi hair expert aapke hairs per straightening process ko ker rha hai use pta hota hai ki cream ko kitne samay tak rakhna hai. 

Cream ko aapke hairs main se achhe se rinse out karne ke bad aapke hairs ko hair dryer se achhey se dry kiya jata hai.Or hairs ke dry hone ke bad aapke hairs ko straightening machine se achhe se straight kiya jata hai.Isme normal routine wali straightenig se jyada time lagta hai kyuki isme bahut hi chote chote section le ker straightening ki jati hai.

Aapke hairs ke straight hone ke bad aapke straight hair main neutralizer lagaya jata hai.Is process main aapko straight baithna hota hai or jab tak aap wash ke liye nhi uthte tab tak appka hilna mna hota hai.Agar saral sabdo main khe to neutralizer ek tarah se gum ka kaam karta hai.Neutralizer ke bad aapka head wash kiya jata hai or head wash karne ke baad achhe se blow dry karke aapka process khatam ho jata hai.Or salon wale aapko fir dusre ya tisre din  head wash or hair cut  ke liye bulate hai.Bus yahi process hai.

Frequently Asked Questions :

Que :Kya  Ghar Per Straightening Process Ker Sakte Hai ? 

Ans : I think hair strghtening ke bare main sabse jyada bar puche jane wala question yhi hoga.Per iska answer hai ki aap ghar per straightenig process nhi ker sakte.Jaise pilot ke alawa or koi aeroplane nhi uda sakta waise hi agar koi hair expert nhi hai to wo ye process ker nhi sakta.Kyuki ye ek chemical based process hai or ise ek hair expert hi ker sakta hai or iske liye achhi knowledge and experience hona jaruri hai.Agar koi hair expert nhi hai wo pls is process ko khud se na kare nhi to hairs ko nuksan ho sakta hai.

Que :Permanent Hair Straightening Karane Main Kitna Time Lagta Hai ?

Ans :Ye depend karta hai ki aap kon sa process kara rahe hai kyuki process ke hisab se bhi thoda time uper nichey ho sakta hai.Appki hair length per bhi depend karta hai ki jitni cum aapki hair lenght and volume hogi utna hi cum time lagega or jitni jyada hair ki length and volume hogi utna hi jyada time lagega.Waise normally 3-4 hours to lag hi jate hai.

Que :Permanent Hair Straightening Se Kitne Din Tak Hair Straight Rehte Hai ?

Ans : Jab aap permanent hair straightening karane jate hai to us time jo aapke hairs hote hai wo normally  tab tak straight rehte hai jab tak wo cut nhi jate.Actually hota ye hai ki jab aapki new growth ati hai to wo to normal ayegi waisi hi jaise aapke natural hairs hoge or jo straight hairs apne karaye they wo niche jate rahege or aap normal routine per hair cut lege to niche se hairs kat te rahege yahi cycle chalta rahega.Ab ye depend karta hai aapki hair growth per bhi ki aapki hair growth kitni fast hoti hai waise agar average dekha jaye to 1-1.5 years tak aapke straightening wale hairs rehte hai.

Que :Kya Straightenig Ke Sath Sath Hair Color Bhi Karwa Sakte Hai?

Ans : Ye aapki hairs ki quality per depend karta hai.Waise agar chahe to base color ker sakte hai but ye totally depend karta hai aapki hair ki quality per.So bina hair expert ki salah ke mat karwaye.

Que :Kya Straightening Ke Bad Keratin Karwa Sakte Hai ?

Ans : Yes aap karwa sakte hai but iske liye aap pehle apne hair expert se jarur consult kare.

Que :Straightened Hair Ki Care Kaise Kare ?

Ans : Hair straight karane ke bad unki care karna bhi jaruri hai.Care main aapko home care ke liye professional shampoo, masque ya conditioner and serum use karna hota hai jo  chemically straightened hairs ke liye hi bane hote hai.Or apne hair expert ke bataye anusar time time per hair spa lete rahe bus yhi karna hai aapko.

Que :Kon Si Company Ki Straightening Kit Achhi Hoti Hai ?

Ans : Main yha per kisi company ki burai nhi karne wala hu but in my opinion Loreal,Matrix Ya Schwarzkopf teeno hi achhey brand hai teeno main se aap kisi ke bhi sath ja sakte hai or baki aap apne hair expert ki bhi salah le sakte hai.

Recent Posts :

5 Best Straightening Shampoo In India 2020

Matrix Opticare Smooth Straight Shampoo Vs Loreal Xtenso Care Shampoo

Leave a Comment