Cosmetic Ki Shop Kaise Start Kare – Pura Business Plan Hindi Main

Spread the love

India ki cosmetic industry ki growth 15-20% hai per year jo ki America or Europe se lagbhag doguni hai.To ab aap samajh hi gye hoge ki India main cosmetic business karne main koi nuksan nhi hai balki ye ek achha profitable business hai.Or agar app achhe se planing karke is business ko start karte hai or run karte hai to aap achhe paise kma sakte hai.

Ajjkal sabhi cosmetic product ka use karte hai chahe bachha ho, ladka ho, ladki ho ya koi bujurg vyakti ho qki sabhi ko kisi na kisi cosmetic product ki jarurat hi padti hai or ajjkal to baby care range hi itni badi ho gyi hai ki bachhey ke paida hone se hi uske liye cosmetic lena suru ho jata hai jaise diper,soap,telcum etc.Or aisa koi ghar nhi hoga jha per cosmetic product use na kiya jata ho bhale hi wo telcum ho hair oil ho ya fir deo ho ya perfume.Kul mila ker kehne ka matlab ye hai ki ye ek aisa business hai ki jab tak is universe main insan hai tab tak ye business bhi hai matlab ye sadabahar non seasonal business hai.

Agar aap bhi cosmetic ki shop kholna chahte hai or aap samajh nhi pa rhe hai ki kaise start kare to aap bilkul bhi pareshan na ho ajj hum aapko is post main bahut hi saral sabdo sab khuch bateyege shuru se lekar last tak.

Location Of Shop :

Kisi bhi shop ko start karne ke liye sabse jaruri or dhyan rakhne wali bat hai shop ki location.Kosis kare ki loctaion aisi ho jha thoda crowded area ho matlab us market mai bhid bhad rehti ho logo ka ana jana ho.Dukan thodi choti bhi ho to chalegi per location achhi honi chaiye.

Or aap jha bhi shop le rhe hai wha shop lene se pehle subah,dopahar or sham ko jarur ek bar chaakar lga ker dekhe us se aapko ye pta chalega ki kitna crowd kis samay ata hai.Wha agar or koi bhi cosmetic shop hai to wha grahak ban ker jaye or dekhe kitne grahak ate hai.

Shop agar aisi market mai ho jha ladies ka ana jana ho to bahut hi achha hai jaise aas pass koi school ho or raste main aapki shop padti ho qki bachho ko chodne or lene dono samay jyadatar mummy hi ati hai so ek additional scope rehta hai sale ka.Ya fir koi sabji mandi ho ya koi bus stand ya fir koi aisa landmark ho jha logo ka ana jana lga rehta ho.Kul mila ker bat ye hai shop aisi market mai leni hai jha thoda achha footfall ho.

License Or GST :

App jis bhi state main shop khol rahe hai wha ki local authorities se license jarur le for example Delhi main MCD se license lena hota hai,MCD main registration karana hota hai to aap bhi aapki local authorities chahe wo Municipal Corporation ho ya Nagar Nigam ya Nagarpalika jo bhi ho wha aregistration jarur karaye.

Rahi bat GST ki jaisa aap sabhi ko pta hai ki 40 lakh tak ke annual turnover tak GST registration ki koi jarurat hi nhi hai.So ab ye depend karta hai ki aap kis scale per shop khol rahe hai agar aapko lagta hai ki aap ek financial year main 40 lakh ki sale ker lege to jarur GST registration karaye or agar aap ko lagta ha hai ki aap ki 40 lakh ki sale nhi hoti hai to fir GST registration ki koi jarurat nahi hai.

Furniture :

Shop ka size 8 x 12 ya 8 x 10 feet bhi hoga to chalega.Or rahi furniture ki bat to aapko 2 chizo ki main jarurat hai.Ek to shelfs  ki or dusra counter ki.Shelfs aap wooden na banvaye because wooden work mehnga hota hai or time bhi jyada lagta hai.App glass ki shelfs lagvaye costing bhi cum ayegi or time bhi cum lagega 1-3 din main pura kaam ho jata hai glass ka or 8 x 12 ki shop main algbhag 20000 rs main kaam ho jata hai or baki depend karta hai aapko kitni shelf chaiye or kitne size ki chiaye.Waise 10 inch gehrayi ki shelf kafi hoti hai is per lagbhag sabhi type ka saman aa jata hai baki aap apne according dekh le.

Counter aapko aisa banvana hai jaisa jwellers ki shop per hota hai waise counter pura wood ka hota hai or uper and front main glass hota hai.Glass hone se aap apne products ko display karpayege achhe se.Front main glass 1 feet tak hi rakhe or niche wale portion main aap requirment ke according partition karwa le or aap in partitions ko saman rakhne ke liye use ker sakte hai.Counter aapka 8-10 hajar tak ban jana chaiye.

Or agar aapko kisi shop ka purana achhi condition ka furniture mil jaye to wo bhi le sakte hai.Old furniture main aapka kharcha cum ho jayega aapko shelfs,counter or counter chair lagbhag 15000 tak hi mil jayege.Purana furniture aap OLX per search ker sakte hai.

Marketing Strategy :

Kisi bhi shop ke liye marketing ek bahut jaruri part hai.Ab marketing 3 parkar ki hoti hai ek paid marketing or dusri unpaid matlab free marketing ya fir aap ise mouth to mouth marketing bhi bol sakte hai or tisri internet marketing.

Paid Marketing :

Paid marketing main aapko paisa kharch karna hota hai.Isme aap apni shop ke liye ek achha sa board banvaye or agar aap shuru main apne area ke newspapaers main 10000 pamphlet dal de to aapke shop ke bare main logo ko pta chal jayega ki koi nyi shop khuli hai isme khuch jyada kharch nhi hoga.Or agar aap pamphlet sham ko market main khade ho ker ane jane wale logo ke hath main de to sabse achha hai aapke newspaper main dalne ke liye jo paise kharch hoge wo bhi bach jayege or result bhi achha ayega.Pamphlet achhe se design karaye or usme khuch achhe offers jarur dale costumers ko attract karne ke liye.

Mouth To Mouth Marketing Ya Unpaid Marketing :

Mouth to Mouth marketing kya hoti hai.Jaisa ki aapko naam se hi pta chal rha hoga ki jab koi costumer kisi dusre vyakti se kahe ki aapki shop per se hi saman le qki yha per achha milta hai, to ise mouth to mouth marketing kehte hai.Ye ek aisa tarika hai jisme aapko paisa kharch nhi karna padta hai or ye ek bahut hi kargar tarika hai but isme aapko khuch bato ka dhyan rakha padta hai jo jyada mushkil nhi hai bus jin bato ke bare main aap se niche bta rha hu unhi bato ka dhyan rakhiye or nischit hi aapko achha result milega or ye result aapko hamesa milta rahega.

Discount : 

Aajkal ke mehngai ke samay main sabko discount chaiye to aap bhi aisa discount de jo koi or nhi de rha ho aapke area main.Sabse pehle aap apne area ki cosmetic shop per jaye or wha ja ker dekhe kis product per kitna discount mil rha hai for example agar koi Himalaya ka neem face wash 100 rs ka de rha hai to to aap 95 ka de do is se kya hoga sab costumer apne jan ne walo se btayege ki aap ki shop per sasta milta hai to is se aapki mouth to mouth marketing hogi or dhire dhire aap apne area main famous ho jayege.Aapki sale bhi badh jayegi or app fir company se jyada mal kahridoge to company fir appko khud margin bdha ker degi.

Aapne wo kahani to suni hogi murgi or sone ke ande wali jisme kisan ke pass ek murgi hoti hai or wo roz ek sone ka anda deti hai but kisan lalchi ho jata hai or murgi ka pet fad deta hai ki pet main bahut sare ande hoge or use sare ek sath mil jayege.Per pet main ande nhi hote hai or murgi bhi mar jati hai or kisan ko roz ek anda milna bhi band jo jata hai.To yha per murgi aapka costumer hai or kisan aap to aap samajh hi gaye hoge aapko daily ek anda khana hai murgi ka pet nhi fadna.App vishwas kijiye agar aap is niti ka istamal karte hai to nischit hi safal hoge or ek samay aisa ayega ki aapke area main aapka naam hoga.

Behaviour :

Waise to aapka behaviour har jagah achha hona chaiye chahe wo ghar ho bahar ho ya aapke office ya shop per ho.But business main behaviour achha hona bahut jarurai hai qki vyavhar hoga to hi vyapar hoga.Appko pta hi hai achhe se bat karne wale insan ke sath sabhi bat karna chahte hai or agar kisi ka khadus vyavhar ho to us se koi bat nhi karna chata.Agar aapka apne costumers ke sath vyavhar achha hoga to wo aapke yha bar bar ayege.Main aapko chota sa example deta hu ki agar koi costumer aap se koi product le gya or bad main wo wapas karne aa gya or wapas lene main aapko thoda bahut nuksan hai to fir bhi aap wapas le lena kyuki us bat ko wo hamesa yad rakhega or hamesa future main bhi aap se hi product kharidega or aapko hamesa us se profit milta rahega.Or agar aapne us din wapas lene se mna ker diya to fir wo hamesa ke liye chla jayega.Costumer hi nhi aapke yha jo company se sales person ayege un se bhi achha or friendly vyavhar rakhe kyuki achha vyavhar hamesa fayda hi deta hai.

Internet Marketing :

Internet ajjkal hamari life ka ek hissa ban gya hai.Koi bhi business ho uska internet per hona must hai.Aapko aise hi khuch tariko ke bare main bta rahe hai jo aap jarur apnaye.

Google My Business:

Sabse pehle aap apni shop ko Google My Business per register kare or wha per regular update karte rahe agar aap aisa karte hai to google per aapko koi bhi search karega ya aapke aas pass ke area main koi cosmetic shop search karega to aapki shop ka naam bhi unhe dikhayi dega wo bhi free main.App is per apne products bhi upload ker sakte hai or unke rate bhi or jitna achhe se aap apne aap ko wha per describe karege utna hi achha rahega aap ke liye.

Facebook And Instagram :

Apni shop ke naam se Facebook page jarur banaye or us per regular products ke bare main update  dalte rahe or agar koi offer ya sale hai to aap uske barte main bhi update karte rahe.Sath hi sath aap apni shop ka Instagram account bhi banaye or Facebook and Instagram dono ko connect ker le or Instagram per bhi regular update dalte rahe.

Facebook And Instagram dono per paid and unpaid dono tarah se marketing ker sakte hai.Agar aap paise kharch nhi karna chate to aapko apne friends or relatives se bolna hoga ki wo aapko Facebook and Instagram per follow kare or aapko jyada se jyada logo ko follow karana hai.Or agar aap thoda sa kharch karte hai to aapko Facebook and Instagram per advertisement chalana hoga, thode main hi jyada result milega because mera personal experience hai ki Facebook ke advertisements bahut achha result dete hai.

Website :

Website business ko internet per ek alag hi pehchan deti hai.Or agar aap website banvana chate hai to 5000 tak aapki website ban jayegi.Website banvane ke liye aap kisi freelancer ko hire karege to kaam sasta or achha hoga.Waise agar aap chahe to suru ke 6 month tak website ignore bhi ker sakte hai kyuki 6 month main aapko pta chal jayega ki aapko kaisi website ki jarurat hai.

Investment :

Waise to cosmetic industry main aap jitna marzi chahe invest ker sakte hai.Bahut badi industry hai koi limit nhi hai.Per aap chahe to 2 lakh se business start ker sakte hai.Ab main aapko Investment ka break down batata hu.

  • Shop – 10000 Rs tak rent ki shop le to aapke shop lene main maximum 30000 Rs hi kharch hoge jisme aapka running rent or deposit dono chala jayega. 
  • Furniture – Agar aap nya fruniture lagvate hai to aapka maximum 40000 Rs. main sab ho jayega or agar aap purana lete hai to aap 20000 Rs tak save ker sakte hai jis se aap apne shop ke liye additional stock le sakte hai ya inhe aap backup ke liye bhi rakh sakte hai.
  • Marketing – Marketing ke liye hum total 10000 Rs ka budget rakh lete hai.Jisme se 5000 rs. main shop ke liye board,pamphlet and visiting card banvana hai or baki 5000 Rs main website banva sakte hai or agar aapko lagta hai ki abhi website ki jarurat nhi hai to aap in 5000 rs ko kahi or bhi avsyktanushar use ker sakte hai.
  • Product – 2 lakh main se hamare 80000 Rs hamare Shop,Furniture and Marketing main kharch ho jayege.To ab 120000 Rs bachte hai jiska hume apni shop ke liye stock kharidna hai.

Suppliers And Distributors Se Kaise Contact Kare :

Agar aap pehle se is business ke bare main jankari rakhte hai ya apne pehle kisi cosmetic shop per job ki hai to fir to aapko suppliers and distributors ke number lene main koi dikkat nhi hogi.Or agar aap bilkul naye hai to number lene ke 2 tarike hai.

  • App agar apone area ki kisi bhi cosmetic shop per 11 am ke bad jate hai to aapko wha per kisi na kisi company ka sales person mil jayega or aap akele main us se bat karke uska no le sakte hai.Or baki company ke sales persons ka number bhi wo hi aarange karwa dega because ye sab aapas main ek dusre ko jante hai.
  • Or dusra sabse simple tarika hai aapko jis bhi company ka product chaiye aap us company ki website per jaye or wha company ke number per call karke apna area bataye.Aapko company khud us area ke apne distributor ka no de degi.Hai na bilkul simple. 

Product Ki List :

Ab hum bat karege ki aapko shop ke liye kon kon sa product kharidna hai.Humne ek basic list banayi hai jisme almost sare items hai or aapko is se idea ho jayega kya kya lena hai baki aap khud bhi isme jarurat ke hisab se correction ker sakte hai.

Facial Kit And Bleach :

Facial kit and Bleach ka shuru main aapko jyada stock nhi rakhna hai  shuru main bus aapko wo hi brand rakhne hai jo easily bik jate hai.Matlab aisa brand rakhna hai jise log jyada mangte ho same aisa aapko bleach main bhi karna hai.For example app VLCC,Lotus Herbals,Shahnaz Husain in brands ki facial kit rakh sakte hai ye brands jaldi sale hote hai.Or in brands ki bhi aapko kewal single use facial kit leni hai or wo bhi ek variant ki bus ek ya 2 kit or sare variant bhi nhi lene kewal wo hi variant le jo jyada bikte hai.Is se aapke pass variety bhi hogi or investment bhi cum hoga.Baki jab aapki shop chalne lage uske bad aap or bhi brand add ker sakte hai or jyada margin wale regional or chote brand bhi add ker sakte hai.

Face bleach bhi kewal aap unhi brands ki le shuru main jo jyada bikte hai jaise Dabur Fem,VLCC,Nature Essence or inke bhi chote hi size le because chote size hi jyada bikte hai.Variety ke liye aap medium size bhi rakh sakte hai but shuru main large size na rakhe because large size ki sale cum hoti hai.Or quantity cum se cum le.Baki future main jab shop chalne lage to aap or bhi brands add ker sakte hai. 

Makeup :

Makeup products se matlab hai foundation,compact powder,eyeliner,eyeshadow

Mascara,lipstick,nail paint or jo bhi product makeup main use hote hai wo sabhi makeup category main ate hai.Is category main hi aapka sabse jyada paisa lagne wala hai.Or sabse jyada paisa lipstick and nail paint  mai lagta hai kyuki isme alag alag shades hoti hai or wo sabhi aapko rakhni padti hai kyuki costumer ka pta nhi wo kon si shade mang le,Fir bhi aap chahe to jyada chalne wali shades hi rakh sakte hai or jo cum chalne wali shades hai unka 1 ya 2 pcs hi rakhe.Appko Maybeline or Lakme jarur rakhna hai kyuki use sab mangte hai but is budget main hum puri range to rakh nhi sakte dono comapnies ki to aap inki compact,foundation or kajal hi rakh le or wo bhi 1 ya 2 pcs se jyada ki range na banaye.Or koi bhi ek comppany aisi pakad le jiske product bhi achhi quality ke ho or margin bhi achha ho or uski puri range aap apne yha rakh le.App Swiss Beauty,Half N Half,Matte Look,Color Queen ya Blue Heaven main se koi ek company ko choose ker sakte hai.Bus aap ye jarur dekh le aapke area ke according kon si company achhi rahegi.

Face Wash And Skin Care Products :

Again mera whi kehna hai ki aap face wash bhi usi company ke le jo easily or jyada bikte hai like Himalaya,Lotus,Garnier.Or baki skin care products ko bhi aise hi kharide for example aap sunscreen cream Lotus ki le because wo dusre brands ki compare mai jyada bikte hai.Cleanser,Toner and Moisturizer aap Ayur ka le because use sell karne main aapko jyada effort nhi lagane padege.Future main to jab shop chalne lagegi to aap jo bhi brand bechoge sab bikega because jab tak aapko sab pta chal chuka hoga market ke bare main bus shuruat main thodi pareshani hoti hai.

Deo And Perfume :

Deo and Perfume bhi aap Fogg,Envy,Denver ya Kamasutra ke hi le ye sab easily sale hote hai.Or in companies ki bhi wo hi fragrance le jo jyada bikti hai.Ab aap ye kahege ki aapko kaise pta chalega ki jyada bikne wali fragrance kon si uske liye aap Amazon.in per jaye wha ja ker jis bhi company ka deo ya perfume le rhe hai us company ko search kare or wha compare kare jis fragrance ko sabse jyada logo ne apna review diya hai ya rate kiya hai wo hi sabse jyada sale hui hogi or aap wha product ki rank dekh ker bhi compare ker skate hai.Perfume main aap chahe to Riya ko bhi consider ker sakte hai because iska margin and rate dono hi pocket friendly hai.

Hygiene  :

Is category main hair removal cream,hair removal wax,sanitary pad etc hygiene se jude products ate hai.Hair removal cream aap veet ki to rakhe hi veet ke sath sath astaberry ki bhi rakhe kyuki astaberry ka result bhi achha hai or result ke sath sath margin bhi achha hai.Astaberry hair removal cream ka Mrp 75 rs hai or ye aapko maximum 30 rs tak mil jati hai.Aise hi aap sanitary pad main whisper ya stayfree to rakhe hi but unke sath nine ya nine jaise koi company bhi rakhe jis ki sale bhi achhi ho or margin bhi.

Shampoo And Hair Color  :

Shampoo aap PNG,Hul,Loreal sabhi ker rakhe sabhi company ki sell achhi hai.Color aap Loreal,Streax,Garnier,Godrez in me se choose ker skate hai.Future main aap professional range bhi rakh sakte according to demand.

Other Items :

Hamare pass 120000 rs bachhey they product ke liye usme hum 10000 main facial kit and bleach lege,30000 rs main shampoo & color,deo and perfume,face wash and skin care and hygiene  products kharidege.Or 50000 main makeup products.Ab hamare pass 30000 rs bachte hai.Jisme se hum 10000 main bindi,klacher,rubber band,hair trimmer,hair dryer,razor etc aise items lege.Or 20000 rs hum backup ke liye rakhege agar koi saman chhut jata hai to uske liye.Or waise bhi jab costumer ane lagte hai khuch na khuch naye item ki jarurat bhi padne lagti hai  to hum usko is paise se kharid sakte hai. 

Employe :

Waise to shuruat main aapko kisi employe ki jarurat nhi padegi lekin jaldi hi aapki sale badh jayegi to aapko employe ki jarurat padegi or agar aapke ghar main koi hai jo aapka part time shop main sath de de sham ke time to aapko sayad employe ki jarurat na pade.Because aapko bhi pta hai sham ko hi market main jyada costumer ate hai.Or agar aapke pass koi nhi hai aapka sath dene ke liye to aap ek employe rakh sakte hai shuruat mai.Baki aapki sales per depand karta hai ki aapko kitne employes ki jarurat hai.

Margin And Revenue :

Cosmetic business main margin achha hai.Aapko 10% se lekar 60 0r 70% tak bhi margin milta hai.Bus margin depend karta hai product to product and company to company.Or rahi bat revenue ki to simple sa logic hai jitni sale utna revenue.Waise aapko is business main easily 10% ka average aa jayega.Baki sab depend karta hai aapki sale per.

Appko ye post kaisi lagi jarur bataye or agar aapka koi bhi question hai to aap pls comment karke puchhey aapko jarur jawab milega.

Leave a Comment