Beauty Parlor Ka Business Kaise Start Kare-Small Business Idea

Spread the love

Beauty Parlor ek aisa business hai jise aap khi bhi shuru ker sakte hai or cum punji mein bhi shuru ker sakte hai.Beauty parlor ka business ladies mein sabse jyada pasand kiye jane wala business hai.

Beauty parlor ke business ka bahut scope hai or iska koi season nhi hai ye pure year chalne wala business hai.Appko to pata hi hai ajjkal har kisi ko sundar dikhna hai or apne aap ko maintain karne ke liye ladies parlor jarur jati hai.

Beauty parlor mein threading se lekar wax,facial,makeup,hair spa or bahut sari services di jati hai jo ladies ki grooming ke liye bahut jaruri hoti hai or iske liye achhi cost charge ki jati hai.Jis se aap achha paisa earn ker sakte hai.Or ajjkal ke samay mein beauty parlor hamari jindagi ka ek hissa ban gya hai.Or agar shehro ki bat kare to yha per to ladke bhi khuch kum kharch nhi karte apni grooming per.

Ajj hum aap ko beauty parlor ka pura business plan batane ja rahe hai.Is post mein aap ko har us bat ke bare mein batayege jo beauty parlor ko start karne ke liye jaruri hai.

Types Of Beauty Parlor

Beauty parlor mostly 2 hi type ke hote hai ek to women beauty parlor or dusra unisex beauty parlor.Or ye totally aap per depend karta hai ki aap kon sa beauty parlor kholna chahate hai.

Women Beauty Parlor : Women beauty parlor kewal women ke liye hota hai isme males section nhi hota hai.Isme kewal aap female clients ki hi grooming karte hai.

Unisex Beauty Parlor :  Isme aapko naam se hi pta chal rha hoga.Unisex beauty parlor ladke or ladkiyo dono ke liye hota hai.Isme ladke bhi ate hai apni hair cutting,shave etc ke liye.Agar aap unisex beauty parlor khol rahe hai to isme aapko male clients ke liye alag se section bhi banana padta hai or male staff bhi rakhna padta hai jo male clients ko services deta hai.

Beauty Parlor Kholne Ke Liye Yogyta Kitni Honi Chahiye?

Beauty parlor chalane ke liye aapko parlor ka kaam ana jaruri hai.Ye kaam aap apne ass pass ke kisi achhey beauty parlor se bhi sikh sakte hai jo achhi training deta ho.Iske alawa VLCC, Jawed Habib, Lakme etc bahut sare institute hai jo beauty parlor ke kaam ki training dete hai.

Beauty Parlor Ki Location

Kisi bhi business ko chalane mein uski location ka ek important role hota hai.Khuch log apne ghar mein hi beauty parlor khol lete hai.Us se aap ka rent to bach jata hai lekin fir bus aapke gali ke hi client aapke yha ate hai aapko professional exposer nhi mil pata.Or jitna aap rent bachate hai us se jyada aapka lose ho jata hai.

For example aapko pta hi hai sabji sabse jyada mandi mein hi sale hoti hai.Iska matlab ye hai ki aapko apne beauty parlor ke liye shop apne yha ki market mein dekhni hogi.Shop agar market se lagti hui gali mein bhi hogi to chalegi.Or shuru mein aap cum rent ki hi shop dekhe or agar koi ground floor ka flat mil jaye to wo bhi chalega.Usme aapka cabin banwane ka kharch bhi bach jayega.

Shop ka size itna bada hona chahiye ki usme chair ke sath sath ek cabin bhi ban jaye jis mein aap facial,wax or baki sare aise kaam ker paye jin mein privacy ki jarurat hoti hai.Beauty Parlor mein toilet jarur hona chaiye iska bhi khyal rakhe.

Beauty Parlor Ka Furniture

Beauty parlor ke liye aapko Chairs,Mirrors,Shampoo Station,Facial Bed,Manicure Trolly,Waiting area ke liye chairs,Counter or Counter per baithne ke liye chair bus yahi main furniture hai beauty parlor ke liye jo aap ko chahiye.

Beauty Parlor Ke Liye Staff

Agar aap kewal women ke liye beauty parlor khol rahe hai or aap ko khud kaam aata hai to aap ko kewal ek helper ki jarurat padegi jo aap ki help kare.Or agar aap Unisex Beauty Parlor khol rahe hai to aap ko ek male staff ki bhi jarurat padegi jo male clients ka kaam karega.

Beauty Parlor Ke Liye Marketing Strategy 

Kisi bhi business ko chalane ke liye parchar bahut jaruri hai.App apne beauty parlor ke pahmplet print karaye or unhe asspass ke area main bate.Ye bahut hi result oriented process hai.Pahmplet main kuchh achhe offers dale jo clients ko attract karege.

Offline ke sath sath social media per bhi hona bahut jaruri hai.Sabse pehle to app Google My Business account banaye ye ek dum free hai or bahut hi achha result milega aapko.Iske sath sath app Facebook and Instagram per bhi accoount banaye or wha regular basis per update dalte rahe.Or apne yha ane wale clients ko bhi bole ki wo aapko in platforms per follow kare or apna valuable feedback de.

Aajkal home service ka bahut chalan hai to aap home service ka option bhi de.Is se aapka business badhega or jayada se jyada clients tak aap pahuch payege.

Beauty Parlor Ke Liye Saman Ki List

Beauty parlor ke liye aapko chahiye Hair Dryer,Hair Straightening Machine,Manicure Pedicure Tub,Combs,Pins,Scissors,Cutting Sheets,Towels,Bowls,Tissue or iske alawa aapko chahiye cosmetics like Facial Kit,Bleach,Shampoo,Hair Color,Hair Spa Cream,Wax etc.

Sabse important bat kabhi bhi apne cosmetics products ki quality se compromise na kare.Hamesa achhi quality ke branded products hi use kare.Or jo product aap ne client ko bola hai wo hi use kare.Is se hamesa client ka aapke uper vishwas bana rahega.

Beauty Parlor Ke Liye Investment

Waise to aap beauty parlor business mein jitna chahe utna invest ker sakte hai iski koi maximum limit nhi hai.Or average beauty parlor ko start karne ke liye aapko 4-5 lakh ki jarurat hoti hai.But aaj hum aapko jis plan ke bare mein batayege usme aap 2 lakh mein bhi apna 2 seater beauty parlor aaram se shuru ker sakte hai or jaise jaise aapka business badhta h to aap usme future mein apne according investment ker sakte hai.Main aapko 2 lakh ki invetment ka breakdown bata deta hu.

  • Shop – 10000-15000 Rs tak rent ki shop le to aapke shop lene main maximum 45000  Rs hi kharch hoge jisme aap ka running rent or deposit dono chala jayega. 
  • Furniture – Agar aap 2 seat ka beauty parlor kholte hai to aap ka maximum 30000 mein furniture aa jayega or agar isme ac bhi jod de to 55000 tak aapka furniture aa jayega. 
  • Marketing – Marketing ke liye hum total 5000 Rs ka budget rakh lete hai.Jisme 5000 Rs. mein shop ke liye board,pamphlet and visiting card banvana hai.
  • Product – 2 lakh main se hamare 1 lakh 5 Thousand Rs. Shop,Furniture and Marketing main kharch ho jayege.To ab 95000 Rs bachte hai jis se aapko apni avasykta anusar beauty parlor ke liye product kharidna hai.Or mujhe ummid hai isme se kuchh paise bach bhi jayege jinhe aap backup ke liye bhi use ker sakte hai. 

Beauty Parlor Se Hone Wali Kamayi

Beauty parlor ki kamayi ki bat kare to bahut hi achhi kamayi hai.App beauty parlor se achha earn ker sakte hai.Beauty parlor mein earn karne ki koi seema nhi hai jis level ka aapka beauty parlor hoga usi ke according aapki kamayi bhi hogi.Or agar average ki bat kare to aap 40000-50000 Rs. per month easily earn ker sakte hai.

Agar aapka koi question hai to aap comment karke puchh sakte hai.As soon as possible aap ko reply milega.Or aap ko ye post kaisi lagi comment karke jarur bataye.Or agar aap ka koi suggestion hai to wo bhi de sakte hai.Hum jarur consider karege.

Leave a Comment